ادھی رات کوں اُٹھ کے اپݨی ذات دے ٻہرو ڳئے ہیں
غزل — اجوک (2025)
1
ادھی رات کوں اُٹھ کے اپݨی ذات دے ٻہرو ڳئے ہیں
ݙینہہ ہے رات د ے ٻہرو ، اساں رات دے ٻہرو ڳئے ہیں
2
ساݙا ہک ہمزاد ہے کہیں مُتوازی دُنیا اندر
اوکوں ملݨ، کئی واری کینات دے ٻہرو ڳئے ہیں
3
ساری عُمرا تیݙے خواب دے اَیمازون اچ گزری
اساں کݙاں گھاٹے ٻٹ جنگلات دے ٻہرو ڳئے ہیں
4
ہک ہک پل دیاں ٹُکڑیاں جوڑ کے اساں عہد بݨایا
وقت کوں رنج اے اساں کیوں اوقات دے ٻہرو ڳئے ہیں
5
ہک مچھی دے پیٹ کوں اپݨی جاہ نماز بݨائے سے
سجدے اندر ونڄ کے اُوندے وات دے ٻہرو ڳئے ہیں
6
سیر ستاریں دی کیتی سے بھوئیں کوں چھوڑ کے شاہدؔ
شہر دیاں بتّیاں ݙیکھݨ لو، دیہات دے ٻہرو ڳئے ہیں