نقطے کنوں کینات دا آغاز تھیا ہا
غزل — اجوک (2025)
1
نقطے کنوں کینات دا آغاز تھیا ہا
ہک نقطے دا وِستار ابد تاݨی ڳیا ہا
2
ہر چیز خدا سُودھی سما ویندی ہئی دل وچ
سینے دا خلا سارے خلاویں توں وݙا ہا
3
تردا ہویا پہنچا ہا اُوندا عکس میݙے تئیں
او آپ کتھائیں ݙوجھے کنارے تے کھڑا ہا
4
آواز ہئی ہک پاسے، مگر شور چدھارُوں
آواز کنوں شور اتھاں چار گنا ہا
5
ہک لہر تجاذُب دی، مدد کیتی ہئی میݙی
ہݨ پیر فضاویں تے میݙا تھار ڳیا ہا
6
کینات دے بس منڈھ دا پتہ کینا ہا شاہدؔ
انجام تاں شروع توں ایندا ݙسدا پیا ہا